First edition published October 2008; cover design by author; layout and design by Barbara Mueller; Printing by MegaDigital, Cape Town.

About the Book & the Author (Written in her home language of Zulu):

Isingeniso

Liyanda iningi labantu abacabanga ukuthi alukho uthando ngesintu, ikakhulu ngesiZulu.  Intsha esikhulile ikakhulu lena efunde emadolobheni, isicabanga sengathi uthando lwafika ngezikebhe, luphuma phesheya kwezilwandle.  Kepha lokho akulona iqiniso, okuyisona sizathu sokuqala esingenze ngashabasheka ukuthi ngibhale le ncwadi.  Ngendlela lo mqondo osewande ngakhona, sewuke uzwe abanye odadewethu bethi, “ Eyi uyazi we-O iboyfriend yami ngendlela ebhora ngayo ayisho nje ukuthi ‘I love you,babe’  ilokhu isho osthandwa nje, ingicika.” 
Omunye uzomuzwa ephendula ethi, “We ma!  Manje nenzenjani uma sekuyisikhathi somcimbi.  O, kwaze kwangaba romantic!”
Ngikhule ngingumfundi wezincwadi eziningi, ikakhulu ezesiZulu.  Ngangizwa bechaza intombi enhle, ngize ngiyibone ngamehlo, kodwa uma sekuvela isithombe, ngingabe ngisabona noma insizwa noma intombi, kwakuvela umdwebo womuntu onezindebe eziwuginsi ngathi izithende, bese ngiyamangala ukuthi kanti ubuhle bama Africa bunjani.  Mina uma ngikhuluma ngentombi yomdabu, ngisuke ngisho intombi efana nalena esesithombeni, okuthi uma ngithi inhle, nawe uzibonele.  Ngalokhu ngizama ukukhombisa ukuthi ukuba UmAfrica akusho ukuba mubi, nokuba nezinwele eziqhinwe amahliphihliphi.  Ngiyathemba uzothi uma usuyifunde waqeda ungivumele ukuthi, lukhona uthando esintwini.

NEW VOICES PUBLISHING WEBSITE

DISCLAIMER

LINKS